ამ მოდულზე ჩვენი პარტნიორობა ლიდერობის უნარების გაძლიერებას ისახავს მიზნად. ძლიერია ლიდერი, რომელიც საკუთარ ძლიერ მხარეებს იცნობს და გაცნობიერებულად იყენებს. ასევე, გააზრებული აქვს მასზე მოქმედი ბარიერები და პოტენციური შემზღუდველი ფაქტორები; იცნობს თავის ემოციებს და შეუძლია მათი მართვა. და რაც მთავარია, აცნობიერებს, რა არის მისი პირადი ცხოვრებისეული მიზანი და მისი ღირებულებები.

საკუთარ პიროვნულ გაძლიერებაზე მუშაობა მთელი ცხოვრების საქმეა. ამ მოდულზე თქვენ გაივლით მეთოდებს, რომელთა გამოყენება ყოველდღიურად დაგეხმარებათ საკუთარი ლიდერობის გაძლიერებასა და განმტკიცებაში. ერთად გავაანალიზებთ თქვენთვის მნიშვნელოვან და საჭირო უნარებს და მათი გამოყენების ეფექტურ სტრატეგიას შევიმუშავებთ.

ამ მოდულზე თქვენ გაეცნობით ბიზნესის ზრდის სტრატეგიებს და ეფექტიან მოდელებს, რომლითაც ყველაზე წარმატებული კომპანიები ხელმძღვანელობენ. შეისწავლით ბიზნესის ანალიზის მეთოდებს, რომელთა მეშვეობით შეაფასებთ თქვენი ბიზნესის ამჟამინდელ მდგომარეობას და აღმოაჩენთ ზრდის შემაფერხებელ და ხელშემწყობ ფაქტორებს.

თქვენ ხელახლა გაიაზრებთ თქვენი კომპანიის მისიასა და ხედვას, ბიზნეს-მოდელს,  დაისახავთ დიდ მიზნებს და დაამუშავებთ მათი მიღწევის ეფექტურ სტრატეგიებს. მოდულის ბოლოს თქვენ დარწმუნდებით, რომ ბიზნესის ზრდის შესაძლებლობები უსაზღვროა, ლიმიტი კი, მხოლოდ ჩვენს ფიქრებშია.

მარკეტინგის მოდული მომავლის ლიდერებს ამ სფეროში უკეთ გარკვევას და საიდუმლო გზების გაცნობას სთავაზობს. კომპანიის მმართველისთვის მნიშვნელოვანია იცოდეს და შეაფასოს მარკეტინგული ხედვა, რომლითაც მისი კომპანია მომხმარებელს პროდუქტით ამარაგებს ან მომსახურებას უწევს.

მოდულის  ინტერაქტიულ შეხვედრებზე თქვენ გაეცნობით, თუ როგორ ვაქციოთ ორგანიზაცია ბრენდად და რა თანამედროვე ინსტრუმენტები არსებობს წარმატების მისაღწევად. ანალიზისა და დაგეგმვის პროცესში თავად ჩაერთვებით და საკუთარ ბიზნეს ქეისებზე მარკეტინგული მეთოდებს გატესტავთ, მიღებულ პრაქტიკულ უნარებს კი, საკუთარი კომპანიის ზრდისთვის გამოიყენებთ.

მოდულის დიზაინი შექმნილია კომპანიის მმართველებისთვის, რომლებიც სწორი მენეჯმენტით უზრუნველყოფენ კომპანიის გაყიდვების მაჩვენებლის ზრდას. მოდულის გავლის შემდეგ თქვენ შეძლებთ განაახლოთ გაყიდვების ხედვა და სტრატეგია, განავითაროთ პროგრამა, რომელიც თქვენი პროდუქტის ან მომსახურების გაყიდვების მაქსიმიზაციას მოახდენს.

აღნიშნული მოდული ინტერაქციულია და განსხვავდება სტანდარტული ტრენინგისგან, რომლის ეფექტი ხანმოკლეა. ეს პროგრამა კომპლექსურია და მორგებულია ბიზნესის საჭიროებებზე. თქვენ თავად გაივლით გაყიდვებამდე მისასვლელ ყველა ეტაპს, აღმოაჩენთ რა ღირებულებას სძენთ მომხმარებელს, თქვენივე პროდუქტსა და მომსახურებაზე გაანალიზებთ მიღებულ დამატებით ცოდნას და პრაქტიკულ უნარებს, რაც დაგეხმარებათ მოკლე დროში გაყიდვების მიმართულებით რეალური ხელშესახები შედეგები იხილოთ.

გაუმჯობესება მუდმივი პროცესია. ამ მოდულის ფარგლებში ვიმსჯელებთ ბიზნეს პროცესების და ოპერაციების მართვის გამოწვევებზე, განსხვავებული მიდგომების უპირატესობებზე და სწრაფი და ეფექტიანი გაუმჯობესების გზებზე. ეს მოგცემთ საშუალებას უფრო მკაფიოდ, ფართოდ და ნათლად დაინახოთ თქვენი პრიორიტეტები და თქვენი რესურსების გამოყენების საუკეთესო შესაძლებლობები.

შეძლებთ თქვენი ყურადღების და ძალების ფოკუსირებას, აღმოაჩენთ საწარმოო ჯაჭვში ჩამალულ “ორ მარჯვენა ხელს”, თქვენივე ბიზნეს ქეისები ჩვენი განხილვის და ანალიზის ობიექტი გახდება, სწორედ მათზე დაყრდნობით შეძლებთ შეაფასოთ როგორია თქვენი კომპანიის ყოველდღიური რუტინა და როგორ შეამსუბუქოთ ის თქვენთვის და თქვენი გუნდისთვის.

სწორი ადამიანები სწორ დროს ყველაზე მნიშვნელოვანი კაპიტალია. ორგანიზაციული განვითარების აღნიშნული მოდულით, კომპანიების მენეჯმენტს, შესაძლებლობა ეძლევათ განავითარონ ბიზნესი ორგანიზაციულად და თანამშრომლების ჩართულობით.

მიღებული პრაქტიკული გამოცდილება დაეხმარება მცირე და საშუალო ბიზნესის მმართველებს, მარტივად, გასაგებად და საკუთარი კომპანიების მაგალითზე, გამოიყენონ ის შესაძლებლობები, რომლებიც სწორი ტექნიკების დანერგვით, ახალ ეტაპზე გადაიყვანს ორგანიზაციას და განვითარების უსაზღვრო შესაძლებლობებს დაანახებს მათ.

ბიზნესში „რის მაქნისია გზა, თუკი“ ხეირის მაქსიმიზაციისკენ არ მივყავართ. ამ მოდულის გავლის შემდეგ თქვენ შეძლებთ თქვენი კომპანიის ამჟამინდელი მდგომარეობის ფინანსურად შეფასებას, სხვადასხვა საოპერაციო გადაწყვეტილების ფინანსურად სწორად გაანალიზებას, ზრდის შესაძლო სცენარებიდან ყველაზე ოპტიმალურის განსაზღვრას, და შედეგად, იმ გზაზე სიარულს, რომელიც ხეირის მაქსიმიზაციისკენ წაგიყვანთ.

გვჯერა, რომ ამ მოდულში ინვესტირებული დრო/ფინანსური რესურსი თქვენთვის ნამდვილად ძალიან მაღალ უკუგებას დააგენერირებს. თქვენ ფლობთ შინაგან რესურსს და გაქვთ ხედვა თუ როგორია თქვენი კომპანიის უკეთესი მომავალი, მოდულზე მიღებული სტრატეგიული ფინანსების ცოდნა და პრაქტიკა კი, დაგეხმარებათ არსებული რესურსი და ხედვა ყველაზე სარფიან გარიგებაში შეიყვანოთ და უფრო მეტი დოვლათი შექმნათ.

ამ მოდულზე თქვენ შაფასებთ თუ სად ხართ როგორც ლიდერი, თქვენ ბიზნესში ცვლილებების საჭიროებების რუკაზე. გააცნობიერებთ იმას, თუ როგორ რეზონირებს ბიზნესში ცვლილებების საჭიროება საკუთარ თავთან, რა უნდა შეცვალოთ საკუთარ ლიდერშიფში და რისთვის ხართ მზად.

მოდული დაგეხმარებათ გაიგოთ უფრო მეტი ცვლილებების სწორად, ეკოლოგიურად და ეტაპობრივად დაგეგმვაზე, შეძლებთ კონსტრუქციულად მიაღებინოთ თქვენს გუნდს ცვლილებების საჭიროება და გარდაუვალობა, ხოლო ცვლილებების პროცესში ჩვეული გაუცნობიერებელი მომავლის შეგრძნება აქციოთ მოქმედების ენერგიად საერთო მიზნამდე, დიდებულ შედეგამდე.